Búgin, 7-sentyabr kúni Ózbekstan mámleketlik dene tárbiyası hám sport universiteti Nókis filialında jańa 2026/2027-oqıw jılı «Bir Watan, bir xalıq bolıp, jańa turmıs hám keleshek qurayıq!» súreni tiykarında «Ǵárezsizlik sabaqları» menen baslandı.

Filial direktorı, professor B.Erimbetov studentlerge «Bir Watan, bir xalıq bolıp, jańa turmıs hám keleshek qurayıq!» súreni tiykarında «Ǵárezsizlik sabaǵın» ótti.

Onda filial direktorı Ózbekstan Respublikası Ǵárezsizlikke eriskennen sońǵı jıllarda barlıq tarawlarda, solar qatarında joqarı bilimlendiriw sistemasında qolǵa kirgizilgen jetiskenlikler, ámelge asırılǵan reformalar hám jaslarǵa jaratılǵan imkaniyatlar haqqında keń túrde maǵlıwmatlar berip ótti.

Sabaq barısında jaslardı watanımız táǵdirine hám keleshegine biyparıq bolmaǵan, joqarı mánawiyatlı shaxslar etip jetilisiwi mámleketimiz siyasatınıń baslı baǵdarı ekenligin ayrıqsha atap ótti.

Filial Baspasóz xızmeti.