Qubla Koreyanıń Xanso universiteti (Hanseo Universiti) wákili XOUJIK (Woo Jick Heo) menen Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov Berdaq atındaǵı Qaraqalpaq mámleketlik universitetinde ushırastı.

Ushırasıwda bilimlendiriw hám ilimiy birge islesiwdi rawajlandırıw, qospa ilimiy joybarlardı ámelge asırıw, professor-oqıtıwshılar hám studentler almasıwın jolǵa qoyıw máseleleri dodalandı. Koreya Respublikasınıń joqarı bilimlendiriw mákemeleri hám shólkemleri menen birge islesiw, sonday-aq, sport bilimlendiriwin rawajlandırıw hám Koreya Respublikasınıń aldınǵı tájiriybelerin engiziw imkaniyatları boyınsha pikir alısıldı.

Sáwbetlesiw barısında tárepler bilimlendiriw, ilim, laboratoriya jumısı hám sport baǵdarlarında óz-ara paydalı birge islesiwdi keńeytiw, xalıqaralıq tájiriybe almasıwdı kúsheytiw hám keleshekte anıq birgeliktegi joybarlardı ámelge asırıw boyınsha birge islesiwdi dawam ettiriwge kelisip aldı.

Filial Baspasóz xızmeti.