Өзбекстан мәмлекетлик дене тәрбия ҳәм спорт университети Нөкис филиалы студентлери Шахло Вапаева, Гөззал Аллаярова ҳәм Дилфуза Өсербаевалар 2001-2003-жылы туўылған жаслар арасында спорттың ҳаяллар гүреси түри бойынша өткерилген Өзбекстан чемпионатында чемпион болғаны ушын Өзбекстан Республикасы дене тәрбия ҳәм спорт министрлиги тәрепинен еркин гүрес бойынша спорт устасы дәрежесин алыўға еристи.

Усы мүнәсибет пенен спорт устасы дәрежесин алған Шахло Вапаева, Гөззал Аллаярова ҳәм Дилфуза Өсербаеваларды тараўдағы ерискен табыслары менен филиалдың профессор-оқытыўшылары ҳәм студент жаслары тәрепинен қутлықлаў мәресими болып өтти.

Спортшыларға бүгинги күнде профессор-оқытыўшылардан Қарақалпақстанға хызмет көрсеткен Мухтарходжа Казаев ҳәм биринши дәрежели тренер Азамат Примбетовлар устазлық етип келмекте.