Ózbekstan mámleketlik dene tárbiyası hám sport universiteti Nókis filialında 2024-2025-oqıw jılında studentlikke usınıs etilgen studentlerge «Úmit-tálimde, úmit-tárbiyada, úmit-bilimde» súreni tiykarında «Ǵárezsizlik sabaqları» bolıp ótpekte.

Shólkemlestirilip atırǵan «Ǵárezsizlik sabaqları» nda «Milliy tikleniwden milliy rawajlanıwǵa qaray», «Úshinshi Renessans», «Jańa Ózbekstannıń háreketler strategiyası», «Jańa Ózbekstan-2030» strategiyasınıń mazmun-mánisi, sonıń menen bir qatarda, ótken 33 jıllıq Watanımız tariyxı dawamında erisilgen jetiskenlikler, ámelge asırılıp atırǵan reformalardıń nátiyjeleri, mámleketimizde bilimlendiriw tarawında ámelge asırılǵan keń kólemli reformalar hám jańalanıwlarǵa keń túrde toqtap ótildi.

«Ǵárezsizlik sabaqları» ında filial professor-oqıtıwshıları studentlerge ǵárezsizlik biybaha baylıq ekenligin, onıń áhmiyeti haqqında ayrıqsha atap ótti.

Sonıń menen birge 1-kurs studentleri filialdıń ishki imkaniyatları menen tanıstırılmaqta.

Filial Baspasóz xızmeti.