Studentlerdi oqıwdan bos waqıtlarında sport jarıslarına qamtıp alıw, intellektual oyınlarına tartıw hám kewil ashar mádeniy ilajlar menen olardıń bos waqıtların kewilli hám mazmunlı ótkeriw Ózbekstan mámleketlik dene tárbiyası hám sport universiteti Nókis filialında jaqsı jolǵa qoyılǵan.

Búgin Ózbekstan mámleketlik dene tárbiyası hám sport universiteti Nókis filialında «Jaslar arasında náshebentlik quralları hám psixotrop zatları tarqalıwınıń aldın alıw» aylıǵı sheńberinde Qaraqalpaqstan Respublikasındaǵı joqarı oqıw orınları studentleri arasında sporttıń shaxmat túrinen jarıs bolıp ótti.

Jarıstı filial direktorı, professor B.Erimbetov kiris sóz benen ashıp berdi hám bárshe jarıs qatnasıwshılarına tabıslar tiledi.

Joqarı oqıw ornınan eń kúshli shaxmat oyınshıları jıynalǵan jarıs óz-ara qızǵın bellesiwlerge bay tárizde bolıp ótti.

Jarıs sońında hayal-qızlar arasında;

 1-orın Ózbekstan mámleketlik dene tárbiyası hám sport universiteti Nókis filialı studenti Toraeva Ayna,

2-orın Ózbekstan mámleketlik dene tárbiyası hám sport universiteti Nókis filialı studenti Orazmuhammedova Gózel,

3-orın Berdaq atındaǵı qaraqalpaq mámleketlik universiteti studenti Artıqbaeva Juldız iyeledi.

Er balalar arasında;

1-orın Ózbekstan mámleketlik dene tárbiyası hám sport universiteti Nókis filialı studenti Umirbaev Mirzaqmet,

2-orın Ózbekstan mámleketlik dene tárbiyası hám sport universiteti Nókis filialı studenti Toraev Begench,

3-orın Muhammed al-Xorezmiy atındaǵı TITU Nókis filialı Madetov Dawran iyeledi.

Jeńimpazlarǵa filial direktorı, professor B.Erimbetov filial tárepinen tayarlanǵan Diplom hám estelik sawǵaların tapsırdı.

Filial Baspasóz xızmeti.