Búgin Ózbekstan mámleketlik dene tárbiyası hám sport universiteti Nókis filialında studentler hám tyutorlar qatnasında «Kiber jınayatshılıq hám kiberqáwipsizlik» atamasında ilaj bolıp ótti.

Ilajdı filial direktorı, professor B.Erimbetov ashıp berdi hám alıp bardı.

Onda studentlerge búgingi kúnde bank kartaları menen baylanıslı háwij alıp atırǵan jınayatlar, kiberjınayatshılıqtıń aldın alıw, internettegi jalǵan xabarlar, siltemelerden abaylı bolıw kerekligi haqqında hám olardıń nızamda belgilengen juwapkershilikleri haqqında profilaktika inspektorı, kapitan R.Ismaylov tárepinen maǵlıwmatlar berildi.

Student-jaslar ózlerin qızıqtırǵan sorawlarına juwaplar aldı hám ilaj sońında qatnasıwshılarǵa bul baǵdarda tayarlanǵan video rolik qoyıp berildi.

Filial Baspasóz xızmeti.