Búgin Ózbekstan mámleketlik dene tárbiyası hám sport universiteti Nókis filialıı direktorı, professor B.Erimbetov basshılıǵında direktor orınbasarları, bólim baslıqları, qánigeler hám professor-oqıtıwshılar qatnasında júz beriwi múmkin bolǵan korrupciyalıq jaǵdaylardı boldırmaw hám oǵan qarsı úgit-násiyat jumısların kúsheytiwge qaratılǵan jıynalıs bolıp ótti.

Ótkerilgen májiliste filial direktorı dáslep Prezidentimiz tárepinen elimizde mámlekettiń rawajlanıwında tosıq bolatuǵın korrupciya illetiniń túp tamırı menen joq etiw baǵdarında alıp barılıp atırǵan is-ilajlarǵa toqtaldı. Soń filialdaǵı hár bir xızmetkerdi bul illetten awlaq bolıwǵa shaqırdı.

Sonday-aq, student-jaslar arasında korrupciyaǵa qarsı immunitetti qáliplestiriw ushın úgit-násiyat jumısların elede kúshey kerekligin ayrıqsha atap ótti.

Filial Baspasóz xızmeti.