Qıtaydıń Sian qalasında Orta Aziya mámleketleri hám Qıtay Xalıq Respublikası joqarı oqıw orınları studentlerinen dúzilgen er balalar komandaları arasında sporttıń stol tennis túrinen jarıs bolıp ótken edi.

Jarısqa Ózbekstan mámleketlik dene tárbiyası hám sport universiteti Nókis filialı student Talǵat Kuandikovta qatnasıp, oyın juwmaǵında 2-orındı iyeledi hám shólkemlestiriwshiler tárepin Sertifikat, medal hám estelik sawǵaları menen sıylıqlandı.

Búgin Orta Aziya mámleketleri hám Qıtay Xalıq Respublikası joqarı oqıw orınları studentleri arasında sporttıń stol tennis túrinen ótkerilgen jarısta 2-orındı iyelegen studentti filial direktorı, professor B.Erimbetov qabılladı hám jarısta erisken nátiyjesi menen qızǵın qutlıqladı.

Orta Aziya mámleketleri hám Qıtay Xalıq Respublikası joqarı oqıw orınları studentleri arasınan eń kúshli sportshılardı jámlestirgen jarısta 2-orındı iyelegen studentimizdi filial miynet jámááti atınan qızǵın qutlıqlaymız hám aldaǵı xalıqaralıq sport jarıslarında tabıslar tileymiz.

Filial Baspasóz  xızmeti.