Studentlerdiń jazǵı dem alıs kúnlerin mazmunlı ótkeriw maqsetinde «Áhmiyetli 90 kún» sheńberinde Ózbekstan mámleketlik dene tárbiyası hám sport universiteti Nókis filialı tárepinen hár túrli ilajlar ótkerilmekte.

Búgin usı tiykarda «Jeke gúres hám tábiyiy pánler» kafedrası oqıtıwshısı A.Alimbetova «Erkin gúrestiń Ózbekstanda rawajlanıwı hám Olimpiyada oyınlarında erisken nátiyjeleri» atamasında sheberlik sabaǵın ótti.

Onda qatnasıwshılarǵa sporttıń erkin gúres túriniń Ózbekstanda rawajlanıwı, Olimpiyada oyınlarında erisken nátiyjeleri hám   bul sport túri menen shuǵıllanıp atırǵan sportshılar, olardıń xalıqaralıq sport maydanlarında erisken jetiskenlikleri haqqında maǵlıwmatlar berdi.

Filial Baspasóz xızmeti.