Ózbekstan mámleketlik dene tárbiyası hám sport universiteti Nókis filialı tárepinen «Áhmiyetli 90 kún» sheńberinde Ózbekstan Respublikası Ǵárezsizliginiń 34 jıllıq bayramı qarsańında Qaraqalpaqstan Respublikasındaǵı ulıwma bilim beriw mektepleri dene tárbiyası oqıtıwshıları hám mektep oqıwshıları arasında eki kún dawamında sporttıń stol tennis, voleybol hám kóp gúres túrinen ótkerilip atırǵan jarıstıń ekinshi kúninde jarıs qatnasıwshıları Xojeli rayonı aymaǵında jaylasqan Mizdaxqan arxeologiyalıq kompleksine sayaxatı shólkemlestirildi.

Sayaxat barısında qatnasıwshılar Mizdaxqan arxeologiyalıq kompleksi tariyxıy esteligi menen jaqınnan tanıstırıldı. Olar bul arxeologiyalıq kompleks haqqında keń túrde túsinikke iye boldı hám ózleri ushın estelik súwretlerine tústi.

Qaraqalpaqstan Respublikası Sport ministrligi hám Qaraqalpaqstan Respublikası Mektepke shekemgi hám mektep bilimlendiriw ministrligi menen birgelikte shólkemlestirilip atırǵan jarıs qatnasıwshılarda jaqsı tásirler qaldırmaqta.

Filial Baspasóz xızmeti.