Qaraqalpaqstan Respublikası Ministrler Keńesi, Ózbekstan Respublikası Ministrler Kabineti janındaǵı Migraciya agentligi, Qaraqalpaqstan Respublikası Kambaǵallıqtı qısqartıw hám bántlik ministrligi,  Jeke menshik bántlik agentlikleri associaciyası menen birgelikte Nókis qalasında sırt elde hám jergilikli miynet bazarında jumıs islew niyetinde bolǵan puqaralar ushın “Sırt elde jumıs” miynet yarmarkası shólkemlestirildi.

Miynet yarmarkasına Ózbekstan mámleketlik dene tárbiyası hám sport universiteti Nókis filialı studentleri, tyutorlar hám professor-oqıtıwshılarda qatnastı.

Ilaj dawamında qatnasıwshılar tikkeley jumıs beriwshiler menen sáwbetlesiw, jumıs waqtı, miynet shártleri, turaq jay hám qamsızlandırıw imkaniyatları sıyaqlı sorawlarınada juwap alıw imkaniyatına iye boldı. Sonday-aq, viza alıw tártibi, migraciya nızamları hám miynet migraciyası boyınsha huqıqıy másláhátler aldı.

Filial Baspasóz xızmeti.