Jaslar arasında kitapqumarlıqtı úgit-násiyatlaw, olardıń kórkem ádebiyatqa bolǵan qızıǵıwshılıǵın arttırıw, dóretiwshilerdiń miyrasın keń jámiyetshilikke tanıstırıw maqsetinde Málimleme resurs orayı baslıǵı K.Tóreshova tárepinen «Bir ayda – 10 kitap, bir jılda – 100 kitap penen doslastım» joybarı sheńberinde kitapqumallıqtı úgit-násiyatlaw ilajı ótkerildi.

Onda «Dene tárbiyası teoriyası hám gumanitar pánler» kafedrası professor-oqıtıwshısı Ayjamal Mátjanova hám Baxıtlı Sarıbaevlar student-jaslarǵa O’zbekstan Qaharmani, O’zbekstan ha’m Qaraqalpaqstan xaliq shayiri Ibrayim Yusupovnıń ómiri hám dóretiwshiligi onıń qálemine tiyisli dóretpeleriniń ideyalıq-kórkemlik ózgeshelikleri tallanıp, ondaǵı waqıyalar mánisi, obrazlar xarakteri hám jaslar ushın ibratlı tárepleri túsindirilip ótildi.

Kórkem ádebiyattıń insan oy-órisin ósiriwde, milliy hám ulıwma insanıylıq qádiriyatlardı jaslar qálbine sińdiriwdegi rolin haqqında aytıp ótti hám kitapqumarlıqtı úgit-násiyatlawdı hár birimiz shańaraqtan baslawımız zárúrligin atap ótti.

Filial Baspasóz xızmeti.