Filialda oqıp bilim alıp atırǵan hár bir ijarada jasap atırǵan studenttiń jasaw sharayatları úyrenilmekte. Ijarada jasaytuǵın studenilerdiń qáwipsizligin támiyinlewge qaratılǵan jumıslar izbe-iz dawam etpekte. Ásirese, gúz-qıs máwsiminde kópshilik jaǵdaylarda júzege keletuǵın iyis gazinen záhárleniw hám ısıtıw sistemalarınan nadurıs paydalanıw sıyaqlı unamsız jaǵdaylardıń aldın alıw maqsetinde úgit-násiyat jumısları alıp barılmaqta.

Usı maqsette filial profilaktika inspektorı topar tyutorları qatnasıwında ijara úyleri kózden ótkerdi hám studentler menen sáwbetlesti.

Ilaj dawamında student-jaslardıӊ jasaw sharayatları, xanalardı ısıtıw qurallarınan paydalanıw tártibi hám gaz úskeneleriniń texnikalıq jaǵdayı úyrenildi.

Úyreniwler barısında studentlerge gaz plitaları, ısıtıw sistemalarınan paydalanǵanda qáwipsizlik qaǵıydalarına qatań ámel etiw zárúrligi atap ótildi hám egerde gaz plitaları yamasa ısıtıw sistemalarında nasazlıqlar anıqlanǵan jaǵdayda dárhal qánigelerge múrájat etiw kerekligi haqqında túsindirildi.

Úyreniw jumısları dawam etpekte…

Filial Baspasóz xızmeti.