Studentlerdi kitap oqıwǵa qızıqtırıw, olardıń ruwxıy dúnyasın bayıtıw, sonday-aq, olar arasında kitap oqıw mádeniyatın qáliplestiriw maqsetinde filial studentleri arasında «Kitapqumar student» tańlawı ótkerildi.

Joqarı dárejede shólkemlestirilgen tańlawda qatnasıwshılar «Bilimdan kitapqumar», «Annotaciya sheberligi» hám «Kitapqumarlıq hám kitap oqıw mádeniyatın keń úgit-násiyatlaw» shártleri boyınsha óz-ara bilimlerin sınaqtan ótkerdi.

Tańlaw juwmaǵında tóreshiler tárepinen Jańabaeva Gúlnur 1-orın, Seyilxanov Nietbay 2-orın hám Alieva Luiza 3-orın iesi dep tabıldı hám Diplom menen sıylıqlandı. Sonday-aq, Amaniyazova Baxıtgúl, Ermatova Dilnoza, Daribaeva Uldawletlerge tańlawǵa belsene qatnasqanı ushın Húrmet jarlıǵı tapsırıldı.

Filial Baspasóz xızmeti.