Joqarı bilimlendiriw, ilim hám innovaciyalar ministrliginiń 2025-jıl 12-sentyabrdegi 3-sanlı Bayanlamasında belgilengen wazıypalardıń orınlanıwın támiyinlew maqsetinde ministrlikten biriktirilgen isshı toparı aǵzaları Ózbekstan mámleketlik dene tárbiyası hám sport universiteti Nókis filialında jaslarǵa baylanıslı mámleketlik siyasat, ruwxıy-aǵartıwshılıq, tálim-tarbiya hám sport salamatlandırıw, hár tárepleme bárkamal shaxstı kamalǵa keltiriw boyınsha alıp barılıp atırǵan jumıslardıń nátiyjeliligin úyreniw jumısların alıp barılmaqta.

Isshı topar aǵzaları studentlerge jaratılǵan sharayatlardı kózden ótkerdi hám tálim-tárbiya procesine juwapker xızmetkerler menen sáwbetlesiwler alıp bardı.

Úyreniwlerdiń tiykarǵı maqseti-jaslardıń bilim alıwı, ruwxıy jetikligi hám salamat turmıs tárizin qollap-quwatlawda filialda alıp barılıp atırǵan jumıslardıń nátiyjeliligin jáne de arttırıwdan ibarat.

Bul process nátiyjeleri keleshekte bilimlendiriwdiń sapasın arttırıw hám jaslar menen islesiw sistemasın jetilistiriwge xızmet etedi.

Filial Baspasóz xızmeti.