Qaraqalpaqstan Respublikasınıń “Mámleketlik til haqqında”ǵı Nızamı qabıl etilgenine 36 jıl tolıwı múnásibeti menen Ózbekstan mámleketlik dene tárbiyası hám sport universiteti Nókis filialında «Mártebeń bálent bolsın ana tilim» atamasında bayram keshesi boldı.

Bayram keshesin filial direktorı, professor B.Erimbetov kiris sóz benen ashıp berip, jıynalǵanlardı bayram menen qutlıqladı hám qaraqalpaq tiliniń turmısımızda tutqan ornına ayrıqsha toqtap ótti.

Bunnan soń sózge shıqqan bayanatshılar ana tilidiń qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne ekenligine. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha ekenligin ayrıqsha atap ótildi.

Soń sporttıń futbol túrinen ótkerilgen Direktor kuboginde jeńimpaz bolǵan komanda aǵzalarına kubog, Diplom hám estelik sawǵaları tapsırıldı.

Bayram ilaji filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.