Student-jaslardıń oqıwdan bos waqıtların mazmunlı shólkemlestiriw hám olardı kitap oqıwǵa keńnen qamtıp alıw maqsetinde Ózbekstan mámleketlik dene tárbiyası hám sport universiteti Nókis filialında «Kitap-bilim deregi» súreni tiykarında jazıwshı menen ádebiy ushırasıw shólkemlestirildi.

Ushırasıwdı filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov ashıp berdi hám student-jaslardı ádebiy keshege kelgen miyman menen tanıstırıp ótti.

Soń Qaraqalpaqstan Respublikası xalıq jazıushısı,  “Doslıq” ordeni iyesi, filologiya ilimleriniń kandidatı, “Antik dúnya” xalıqaralıq akademiya akademigi, “Altın qálem” sıylıǵı iyesi Allanazar Abdiev sózge shıǵıp student-jaslarǵa insannıń ruwxıy dúnyasınıń bay bolıwında tutqan ornı, óziniń qáleminen dóregen shıǵarmaları, onıń dóreliw tariyxı haqqında maǵlıwmatlar berdi. Sonday-aq, hár bir ilaj qatnasıwshısın kitap penen dos bolıwǵa hám kitap oqıwǵa shaqırdı.

Ilaj sońında qatnasıwshılar Qaraqalpaqstan Respublikası xalıq jazıushısınıń ómiri hám dóretiwshiligi menen baylanıslı ózlerin qızıqtırǵan sorawlarına juwaplar aldı.

Filial Baspasóz xızmeti.