Búgin Ózbekstan mámleketlik dene tárbiyası hám sport universiteti Nókis filialı Keńesiniń gezektegi májilisi bolıp ótti. Májilisti filial direktorı, professor Bayrambay Erimbetov basqarıp bardı. Onda kún tártibindegi bir qatar áhmiyetli máseleler kórip shıǵıldı.

Dáslep Ózbekstan mámleketlik dene tárbiyası hám sport universiteti Nókis filialı direktorı B.Erimbetovtıń Ózbekstan Respublikası Prezidenti, Ózbekstan Respublikası húkimeti, jergilikli basqarıw uyımları tárepinen 2026-jılı fevral ayında qabıl etilgen normativ-huqıqıy hújjetler haqqında bayanatı tıńlandı.

Májilis kún tártibine muwapıq filialıdıń «2025-2026-oqıw jılı gúzgi juwmaqlawshı mámleketlik imtixan juwmaqları hám keyingi báhárgi juwmaqlawshı mámleketlik imtixanda orınlanıwı lazım bolǵan wazıypalar haqqında» Registrator ofis baslıǵı D.Nurıshovtıń,  «Filialda atqarıw tártibiniń orınlanıwı hám Edo.Ijro.uz intizamınıń qadaǵalaw aynasına kelip túsken tapsırmalar haqqında» Fizikalıq hám yuridikalıq shaxslardıń múrájatlar menen islew, qadaǵalaw hám monitoring bólimi qánigesi Á.Tóremuratov, sonday-aq, «Hayal-qızlar keńesi tárepinen ámelge asırılǵan jumıslar haqqında» Hayal-qızlar máseleleri boyınsha direktor másláhátshisi U.Kalillaevalardıń esabatları Keńes aǵzaları tárepinen tıńlandı.

Sonday-aq, Keńesi májilisi sońında filial iskerligine baylanıslı aǵımdaǵı máseleler dodalandı hám tiyisli qararlar qabıl etildi.

Filial Baspasóz xızmeti.