Respublikamızda jaslarǵa tiyisli reformalardıń nátiyjeligin asırıw, olardıń qızıǵıwshılıqları hám qálewlerin júzege shıǵarıw boyınsha jańa baslamalar, innovacion ideyalardı óz ishine alǵan kompleks is-ilajlar baǵdarlamasına tiykarlanıp Ózbekstan mámleketlik dene tárbiyası hám sport universiteti Nókis filialında “Ijod zavqi” joybarı sheńberinde ushırasıw bolıp ótti.

Ilajdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı G.Xojametov kiris sóz benen ashtı hám basqarıp bardı.

Onda Ózbekstan Kórkem óner Akademiyası Qaraqalpaqstan bólimi baslıǵı, kórkem óner izzertlewshisi, xudojnik, Utegenova Ulbosın Baltabaevna qatnasıwshılarǵa elimizde jaslarǵa húkimetlik siyasat dárejesinde qaratılıp atırǵan itibarǵa toqtaw menen birge, kórkem ónerdiń, ásirese, xudojniklerdiń insan tálim-tárbiyasına, onıń hár tárepleme kóz-qarası keń shaxs bolıp qáliplesiwinde ornınıń áhmiyeti úlken ekenligin ayrıqsha atap ótti.

Studentler bul baǵdarda ózlerin qızıqtırǵan sorawlarına juwaplar aldı.

Soń ilaj qatnasıwshıları Ózbekstan Kórkem óner Akademiyası Qaraqalpaqstan bólimi tárepinen alıp kelingen súwretlerdi tamashaladı.

Filialda “Ijod zavqi” joybarı sheńberinde ótkerilgen ushırasıw student-jaslarda jaqsı tásirler qaldırdı.

Filial Baspasóz xızmeti.