Ózbekstan mámleketlik dene tárbiyası hám sport universiteti Nókis filialında «1-mart – Xalıqaralıq tutınıwshılardıń hukıqların qorǵaw kúni» sheńberinde menen taraw qánigeleriniń qatnasıwında seminar bolıp ótti.

Ilajdı Jaslar menen islesiw, ruwxıylıq hám aǵartıwshılıq bólimi baslıǵa Atabek Meńlimuratov kiris sóz benen ashtı hám basqarıp bardı.

Onda sóz alǵan Qaraqalpaqstan Respublikası Básekilikti rawajlandırıw hám tutınıwshılardıń huqıqların qorǵaw komiteti bas qánigesi A.Aybergenov, Texnika tárepten tártipke salıw tarawında qadaǵalaw inspekciyası qánigesi A.Allanazarov hám qalalıq sanitariya-epidemiologiyatınıshlıq hám jámiyet salamatlıǵı bólimi sanitariya vrachı M.Qaniyazovalar studentlerge komitettiń jumıs iskerligi dawamında tutınıwshılardıń huqıqlarınıń buzılıw sebeplerin analizlew, tutınıwshılar bazarın úyreniw, olardıń buzılǵan huqıqların tiklew, sonday-aq, sanitariya-epidemiologiya bólimi tárepinen islengen hám islenip atırǵan jumıslar haqqında túsinikler berip ótti.

Studentler bul baǵdarda ózlerin qızıqtırǵan sorawlarına juwaplar aldı.

Filial Baspasóz xızmeti.