Xabarıńız bar, Prezidentimizdiń elimiz jasları menen bolıp ótken ushırasıwında hár hápteniń piyshembi kúni ministrlik, mákeme, shólkemler hám hákimliklerde «Jaslar kúni» bolıwı belgilengen edi.

Usı tiykarda búgin Ózbekstan mámleketlik dene tárbiyası hám sport universiteti Nókis filialında «Direktor hám jaslar» ushırasıwı bolıp ótti.

Ushırasıwda filial direktorı, professor B.Erimbetov búginge kúnde prezidentimizdiń tikkeley basshılıǵında elimizde ámelge asırılıp atırǵan jaslar siyasatı, jaslardıń hár tárepleme kámil insanlar bolıp jetilisiwi ushın alıp barılıp atırǵan reformalar, olardıń bilim alıwları, turaqlı jumıs orınları menen támiyinlew baǵdarında islenip atırǵan is-ilajlarǵa toqtap ótti. Bunnan soń studentlerdiń oqıw barısında ushırasıp atırǵan mashqalaları hám olardıń pikir usınısların tıńladı.

Ilajda filial direktorı Prezident hám ataqlı mámleketlik stipendiyası jeńimpazlarına guwalıqların tapsırdı.

Filial Baspasóz xızmeti.