Qaraqalpaqstan Respublikasında jaslarǵa baylanıslı reformalardıń nátiyjeliligin arttırıw, olardıń qızıǵıwshılıqları hám potencialın júzege shıǵarıw boyınsha jańa baslamalar, innovaciyalıq ideyalardı óz ishine alǵan kompleksli ilajlar baǵdarlamasınıń orınlanıwın támiyinlew maqsetinde orınlarda bir qatar ilajlar bolıp ótpekte.

Usı tiykarda búgin Ózbekstan mámleketlik dene tárbiyası hám sport universiteti Nókis filialında ilaj bolıp ótti.

Ilajdı Jaslar máseleleri hám ruwxıylıq-aǵartıwshılıq isleri boyınsha direktordıń birinshi orınbasarı G.Xojametov kiris sóz benen ashtı hám basqarıp bardı.

Soń Qaraqalpaqstan Respublikası Ádillik ministrligi, Den sawlıqtı saqlaw ministrligi, Salamatlıq hám strategiya rawajlanıw institutı hám Respublikalıq Narkalogiya dispanserinen kelgen qánigeler student-jaslardıń huqıqıy sanasın hám huqıqıqıy mádeniyatın arttırıw, olardı hár qıylı huqıqbuzarlıqlar hám jınayatlardan qorǵaw, medicinalıq jaqtan hár tárepleme salamat, bárkamal insanlar bolıp jetilisiwleri ushın jaratılǵan sharayatlar hám bul baǵdarda islenip atırǵan jumıslarǵa ayrıqsha toqtap ótti.

Ilaj barısında studentler ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.