Búgin 26-mart kúni Ózbekstan mámleketlik dene tárbiyası hám sport univesiteti Nókis filialında “Jaslar kúni” sheńberinde “Direktor hám jaslar” ushırasıwı shólkemlestirildi. Onda filial direktorı, professor B.Erimbetov student-jaslar menen ashıqtan-ashıq pikirlesti.

Ushırasıw dawamında jaslardıń bilim alıw procesin ele de jetilistiriw, ilimiy-izertlew jumısın rawajlandırıw, innovaciyalıq ideyalar hám startap joybarlardı qollap-quwatlaw, sonday-aq, studentlerdiń bos waqtın mazmunlı shólkemlestiriw máseleleri hár tárepleme dodalandı. Sonday-aq, jaslardıń usınıs hám baslamaların qollap-quwatlaw jáne olardıń filial turmısındaǵı belsendiligin arttırıw máselelerine ayrıqsha itibar qaratıldı.

“Direktor hám jaslar” ushırasıwı dawamında studentler óz pikir-usınısların bildiriw, olardı qızıqtırǵan sorawlarǵa tikkeley juwap alıw imkaniyatına iye boldı.

Filial Baspasóz xızmeti.