Bugun 26 mart kuni O‘zbekiston davlat jismoniy tarbiya va sport universiteti Nukus filialida «Yoshlar kuni» doirasida «Direktor va yoshlar» uchrashuvi tashkil etildi. Unda filial direktori, professor B.Erimbetov talaba-yoshlar bilan ochiq muloqot qildi.

Uchrashuv davomida yoshlarning ta’lim olish jarayonini yanada takomillashtirish, ilmiy-tadqiqot faoliyatini rivojlantirish, innovatsion g‘oyalar va startap loyihalarni qo‘llab-quvvatlash, shuningdek, talabalarning bo‘sh vaqtini mazmunli tashkil etish masalalari atroflicha muhokama qilindi. Shuningdek, yoshlarning taklif va tashabbuslarini qo‘llab-quvvatlash hamda ularning filial hayotidagi faolligini oshirish masalalariga alohida e’tibor qaratildi.

«Direktor va yoshlar» uchrashuvi davomida talabalar o‘z fikr-mulohazalarini bildirish, ularni qiziqtirgan savollarga bevosita javob olish imkoniyatiga ega bo‘ldi.

Filial Matbuot xizmati.