Student-jaslardı óz xalqına, ana – Watanına sadıq hám joqarı áskeriy ruwxta tárbiyalaw, olar arasında salamat turmıs tárizin úgit-násiyatlaw, sporttıń áskeriy-texnikalıq hám ámeliy túrlerin keń en jaydırıw maqsetinde Ózbekstan mámleketlik dene tárbiyası hám sport universiteti Nókis filialı studentleri arasında «Ámir Temur miyrasxorları» áskeriy-sport jarısları bolıp ótti.

Jarısqa filial studentleri arasınan eń kúshli sprotshılar qatnastı. Olar óz-ara sporttıń orınnan turıp uzaqlıqqa sekiriw, 100 metrge juwırıw, turnikde tartınıw hám granata ılaqtırıw shártleri boyınsha kúsh sınastı.

Bir birinen qızıqlı hám mazmunlı bolıp ótken jarıs juwmaǵında jeńimpazlar anıqlandı hám olar shólkemlestiriwshiler tárepinen Diplom menen sıylıqlandı.

Filial Baspasóz xızmeti.