Ózbekstan mámleketlik dene tárbiyası hám sport universiteti Nókis filialında 9-aprel – Sahıpqıran Ámir Temur tuwılǵanınıń 690 jıllıǵına baǵıshlanǵan ruwxıy-aǵartıwshılıq ilajı boldı.

Ilajdı filial direktorı, professor B.Erimbetov kiris sóz benen ashıp berdi hám ullı sárkarda, mámleketlik ǵayratker Ámir Temurdıń dúnya tariyxındaǵı tutqan ornı, onıń dóretiwshilik jumısı hám bay ruwxıy miyrası haqqında toqtap ótti. Sonday-aq, jaslardı milliy qádiriyatlar ruwxında tárbiyalawda Ámir Temur tulǵasınıń áhmieti ayrıqsha ekenligin atap ótti.

Ilaj dawamında tariyxshı ilimpazlar tárepinen Sahıpqırannıń áskeriy óneri, mámleketlik basqarıwdaǵı dana siyasatı jáne ilim hám mádeniyattıń rawajlanıwına qosqan úlesi haqqında mazmunlı bayanatlar jasaldı.

Filial Baspasóz xızmeti.