Aldın xabar bergenimizdey, Ózbekstan mámleketlik dene tárbiyası hám sport universiteti rektorı Rashid Matkarimov xızmet saparınıń ekinshi kúnin filial direktorı Bayrambay Erimbetov penen birgelikte piyshembi Jaslar kúni múnásibeti menen studentler menen ushırasıwdan basladı.

 «Rektor hám jaslar» ushırasıwı jaslardı ilimge baǵdarlaw, sportqa keńnen tartıw, olardıń qábiletlerin qollap-quwatlaw hám salamat turmıs tárizin úgit-násiyatlawǵa qaratılǵanı menen ayrıqsha áhmietke iye boldı.

Ushırasıw dawamında universitet rektorı elimizde jaslar ushın jaratılıp atırǵan imkaniyatlar, sport infrastrukturasın rawajlandırıw baǵdarındaǵı reformalar, jas sportshılardı xalıqaralıq sport jarıslarına tayarlaw, shet ellerdiń joqarı oqıw orınları menen akademiyalıq mobillik almasıw, magistraturada oqıtıw hám hár bir pitkeriwshiniń turaqlı jumıs orınları menen bántligin támiyinlew baǵdarında islenip atırǵan jumıslar haqqında student-jaslarǵa keń túrde maǵlıwmat berip ótti.

Ushırasıw dawamında studentler ózlerin qızıqtırǵan sorawlarına rektordan juwaplar aldı.

Filial Baspasóz xızmeti.