Ózbekstan mámleketlik dene tárbiyası hám sport universiteti Nókis filialı “Koordinaciyalıq hám ciklik sport túrleri teoriyası hám metodikası”  kafedrası professor-oqıtıwshıları, Málimleme-resurs orayı qánigeleri hám student-jaslar  menen birgelikte “Kitapqumar millet” uranı astında VI Respublikalıq “Kitapqumarlıq hápteligi” sheńberinde Qaraqalpaqstan Respublikası Málimleme-kitapxana orayına sayaxat shólkemlestirdi.

Sayaxat barısında filial professor-oqıtıwshıları, Málimleme-resurs orayı qánigeleri hám student-jaslar Qaraqalpaqstan Respublikası Málimleme-kitapxana orayında Qaraqalpaqstan Respublikasınıń xalıq shayırı, Qaraqalpaqstan Respublikasına xızmet kórsetken mádeniyat xızmetkeri, “Shuhrat” medalı iyesi Ábilqasım Ótepbergenovtıń 75 jıllıǵı múnásibeti menen ótkerilip atırǵan “Qaraqalpaq poeziyasınıń ádil jırshısı” atamasındaǵı ádebiy keshege qatnastı hám shayırdıń ómiri hám dóretiwshiligi haqqında tolıq maǵlıwmatqa iye boldı.

Ilaj qatnasıwshılarda jaqsı tásirler qaldırdı hám olardıń ruwxıy dúnyasınnıń elede bayıwına tiykar jarattı.

Filial Baspasóz xızmeti.