Student-qızlar arasında salamat turmıs tárizin úgit-násiyatlaw, olardı ulıwma insanıylıq, milliy hám shańaraqlıq qádiriyatlar tiykarında tárbiyalaw, sonday-aq, olardıń jámiyetlik belsendiligin arttırıw maqsetinde Ájiniyaz atındaǵı Nókis mámleketlik pedagogikalıq institutında «Tumaris izbasarları» sport jarısınıń joqarı oqıw orınları studentleri arasındaǵı aymaqlıq basqıshı bolıp ótti.

Oǵan Qaraqalpaqstan Respublikasındaǵı joqarı oqıw orınlarınıń student qızları qatarında Ózbekstan mámleketlik dene tárbiyası hám sport universiteti Nókis filialı student-qızlarınan quralǵan komanda aǵzalarıda qatnastı.

Jarısta qatnasıwshılar komandanı tanıstırıw, birinshi medicinalıq járdem, oqjaydan atıw, velosiped basqarıw, belgilengen aralıqqa juwırıw hám basqa da shártler boyınsha óz-ara bellesti.

Qızǵın bellesiwlerge bay tárizde bolıp ótken jarıs juwmańında Berdaq atındaǵı qaraqalpaq mámleketlik universiteti Nókis filialı komandası 1-orın, Nókis mámleketlik Texnika universiteti komandası 2-orın hám Ózbekstan mámleketlik dene tárbiyası hám sport universiteti Nókis filialı komandası 3-orındı iyelep, Diplom hám estelik sawǵaları menen sıylıqlandı.

Filial Baspasóz xızmeti.