Joqarı oqıw orınları student-jaslarınıń huqıqıy bilimlerin jetilistiriwge qaratılǵan ilajlardı ámelge asırıw maqsetinde «Úgit-násiyat poezdi» joybarı Tashkent qalasınan Qaraqalpaqstan Respublikasına jetip kelgen edi.

Usı joybar sheńberinde búgin Tashkent mámleketlik yuridika universiteti professor-oqıtıwshıları hám student-jaslarınan ibarat úgit-násiyat toparı aǵzaları Ózbekstan mámleketlik dene tárbiyası hám sport universiteti Nókis filialına jetip keldi hám filial student-jasları menen ushırasıw ótkerdi.

Ilajdı filial direktorı, professor B.Erimbetov kiris sóz benen ashıp berdi hám basqarıp bardı.

Soń sózge shıqqan úgit-násiyat toparı aǵzaları Qaraqalpaqstan Respublikasında jaslarǵa baylanıslı reformalardıń nátiyjeliligin arttırıw, olardıń qızıǵıwshılıqları hám potencialın júzege shıǵarıw boyınsha jańa baslamalar, innovaciyalıq ideyalardı óz ishine alǵan kompleksli ilajlar baǵdarlaması, kiberjınayatshılıqtıń aldın alıw hám oǵan qarsı gúresiw boyınsha úgit-násiyat jumısların alıp bardı.

Joybar sheńberinde  úgit-násiyat toparı aǵzaları filial studentleri arasında «Zakawat» intellektual oyının shólkemlestirildi hám jeńimpaz studentlerge estelik sawǵaların tapsırdı.

Filial Baspasóz xızmeti.