Ózbekstan Respublikası Ministrler Kabinetiniń 2025-jıl 10-mart kúni “Joqarı oqıw orınlarında studentlerge grantlardı usınıw hám qayta bólistiriw tártibi haqqında”ǵı 149-sanlı qararı qabıl etilgen edi.

Usı qarar tiykarında grantqa talaban studentler 2026-jıl 20-iyulǵa shekem (20-iyul kúni de) kontrakt.edu.uz saytı arqalı onlayn arza tapsıradı.

Bunda talaban studentler;

 – 2025-2026-oqıw jılındaǵı gúzgi hám báhárgi semestrlerindegi pánlerdi tolıq ózlestirgen, GPA (Grade Point Average) kórsetkishleri 3,5 hám onnan joqarı bolıwı shárt;

 – eger talaban studentler 2025-2026-oqıw jılındaǵı gúzgi hám báhárgi semestrlerindegi pánlerden akademiyalıq qarızdar bolsa (kreditin toplay almasa), GPA (Grade Point Average) kórsetkishleri 3,5 ten tómen bolǵan jaǵdayda tańlawǵa qatnasa almaydı;

 – usı semestr waqtında hár qıylı sebeplerge baylanıslı (den sawlıǵına yamasa shólkemlestirilgen jarıslar) juwmaqlawshı qadaǵalawlarǵa qatnasa almaǵan studentler 2026-jıl 5-iyulǵa shekem jeke keste tiykarında pánlerdi ózlestirip unamlı nátiyjeler kórsetse grant tańlawına qatnasa aladı;

Filial Baspasóz xızmeti.