Xabarıńız bar, Prezidentimizdiń elimiz jasları menen bolıp ótken ushırasıwında hár hápteniń piyshembi kúni ministrlik, uyım, shólkem hám hákimliklerde “Jaslar kúni” sıpatında belgileniwi atap ótilgen edi.

Usı tiykarda búgin Ózbekstan mámleketlik dene tárbiyası hám sport universiteti Nókis filialında “Direktor hám jaslar” ushırasıwı Qaraqalpaqstan Respublikası tariyxı hám mádeniyatı muzeyinde shólkemlestirildi.

Ushırasıw dawamında filial direktorı student-jaslarǵa mámleketimizde jaslar siyasatı tiykarında ámelge asırılıp atırǵan jumıslar, jaslardıń hár tárepleme bárkamal insanlar bolıp kamalǵa keliwi ushın jaratılıp atırǵan imkaniyatlar, olardıń sapalı bilim alıwı hám turaqlı jumıs orınları menen támiyinleniwine qaratılǵan ilajlar haqqında aytıp ótti hám muzeyde saqlanıp atırǵan áyemgi hám zamanagóy tariyxına baylanıslı arxeologiyalıq tabılmalar, milliy kiyim-kenshekler, úy-ruwzıgershilik buyımları, ámeliy kórkem óner úlgileri, eski qural-jaraqlar, zergerlik buyımları hám xalıqtıń úrp-ádet, salt-dástúrlerin sáwlelendiriwshi eksponatlarınıń jaratılıw tariyxı, olardıń xalqımız turmısı hám mádeniyatındaǵı ornı haqqında maǵlıwmatlarǵa iye boldı.

Sapar dawamında studentlerge muzey eksponatlarınıń jaratılıw tariyxı, olardıń xalqımız turmısı hám mádeniyatındaǵı ornı haqqında maǵlıwmatlar berildi. Bul bolsa jaslardıń tariyxıy hám mádeniy miyrasımızǵa bolǵan qızıǵıwshılıǵın jáne de arttırıwǵa xızmet etti.

Ushırasıw dawamında filial direktorı jaslardıń múrájat hám usınısların tıńlap, olardı sheshiw boyınsha tiyisli wazıypalardı belgilep aldı.

Filial Baspasóz xızmeti.