Búgin 29-sentyabr kúni Ózbekstan mámleketlik dene tárbiyası hám sport universiteti Nókis filialında student-qızlardıń zamanagóy texnologiyalar tarawındaǵı bilim hám qábiletlerin kórsetiwge xızmet etetuǵın “IT Queens – Keleshekti jaratıwshı qızlar” innovaciyalıq tańlawınıń filial basqıshı ótkerildi.

Tańlawdıń tiykarǵı maqseti – student-qızlardı IT, málimleme texnologiyaları, hám robototexnika sıyaqlı baǵdarlarda bilim hám kónlikpelerin rawajlandırıw. Olardı zamanagóy kásiplerge qızıqtırıw, innovaciyalıq jumısqa baǵdarlaw hám jańa ideyaların ámelge asırıw. Sonday-aq, mexatronika hám robototexnika baǵdarlarına keńnen tartıw, olardıń innovaciyalıq pikirlew qábiletin rawajlandırıw, zamanagóy texnologiyalar menen islesiw kónlikpelerin bekkemlew hám qábiletli jaslardı qollap-quwatlawdan ibarat.

Ilajdı filial direktorınıń Hayal-qızlar máseleleri boyınsha másláhátshisi U.Kalillaeva tańlaw qatnasıwshılarına student-qızlardıń texnologiyalıq hám innovaciyalıq qábiletin rawajlandırıwdaǵı áhmietine ayrıqsha toqtap ótti.

Onda qatnasıwshılar ózleriniń zamanagóy texnologiyalar tarawındaǵı bilimleri, dóretiwshilik kózqarası hám innovaciyalıq ideyaların kórsetti.

Tańlaw juwmaǵında belsene qatnasqan student-qızlar múnásip xoshametlendi. Jeńimpaz hám sıylı orın iyeleri tańlawdıń keyingi basqıshına qatnasıw imkaniyatına iye boladı.

Filial Baspasóz xızmeti.