1-oktyabr – Muǵallimler hám ustazlar kúni bayramı aldınan Ózbekstan mámleketlik dene tárbiya hám sport universiteti Nókis filialında jumısshı-xızmetkerler arasında “Zakovat quiz” intellektuallıq oyını ótkerildi.

Intellektuallıq oyındı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı B.Xwjametov ashıp berip, barlıq qatnasıwshılarǵa áwmet tiledi.

Qızıqlı hám mawasasız ótken bellesiwler dawamında qatnasıwshılar hár qıylı baǵdarlarǵa baylanıslı sorawlarǵa juwap berip, ózleriniń bilim hám tapqırlıqların sınaqtan ótkerdi. Komandalar arasındaǵı bellesiwde logikalıq pikirlew, operativlik hám jámáátlik awızbirshilik áhmietli faktor boldı.

Bellesiw dawamında qatnasıwshılar bilim, tapqırlıq, logikalıq pikirlew hám operativlik baǵdarındaǵı sheberliklerin kórsetti.

Ilaj jámáátlik awızbirshilikti bekkemlew hám bayram keypiyatın bólisiwge xızmet etti.

Filial Baspasóz xızmeti.