Filial studentlerine innovaciyalıq ideyaların startap joybarlarına aylandırıw, olardı qarjılandırıw dárekleri, tańlawlar hám ámeliyatqa engiziw mexanizmleri boyınsha túsindiriw hám ámeliy usınıslar beriw maqsetinde “Startap joybarlar: ideyadan tayar bizneske shekem” atamasında studentler menen ushırasıw bolıp ótti.

Ilajdı filial direktorınıń ilimiy isler hám innovaciyalar boyınsha direktor orınbasarı Islambek Mambetnazarov ashıp berdi hám qatnasıwshılardı kelgen miymanlar menen tanıstırıp ótti.

Bunnan soń Qaraqalpaqstan Respublikası Ministrler Keńesi Sanlı texnologiyalardı hám jasalma intellekt texnologiyaların rawajlandırıw bólimi bas qánigesi M.Alimov, Qaraqalpaqstan Respublikası IT Park Startap menedjeri Sh.Otemisov hám “Nókis jaslar texnoparki” Innovaciyalıq joybarlar boyınsha jetekshi qánigesi N.Kalbaevalar jaslardıń startap joybarları bazasın qáliplestiriw, perspektivalı innovaciyalıq ideyalardı anıqlaw hám olardı inkubaciya procesine tartıw, “new.startupbase.uz” platformasınan paydalanıwdı en jaydırıw, platformadaǵı mentorlıq hám joybarlardı rawajlandırıw imkaniyatları menen studentlerdi tanıstıdı.

Ilaj barısında studentler ózlerin qızıqtırǵan sorawlarına juwaplar aldı.

Filial baspasóz xızmeti.