Búgin Ózbekstan mámleketlik dene tárbiyası hám sport universiteti Nókis filialında 2026-2027-oqıw jılına «Abiturientlerden hújjetlerdi qabıllawdıń barısı haqqında» ǵalaba xabar quralları wákilleri ushın baspasóz konferenciyası bolıp ótti.

Baspasóz konferenciyasında filial direktorı, qabıllaw komissiyasınıń baslıǵı Bayrambay Erimbetov ǵalaba xabar quralları wákillerine 2026-2027-oqıw jılı ushın abiturientlerden hújjetlerdi qabıllawdıń barısı, filialda bar qánigelikler, sonday-aq, kásiplik (dóretiwshilik) imtixanlardıń bolıp ótetuǵın orınları, bahalaw kreteriyaları, qanday abiturientlerge kásiplik (dóretiwshilik) imtixanlarda eń joqarı ball beriletuǵınlıǵı haqqında maǵdıwmatlar berdi.

Jurnalistler bul baǵdarda ózlerin qızıqtırǵan sorawlarına juwaplar aldı.

Soń filial direktorı jurnalistlerdi «27-iyun – Baspasóz hám ǵalaba xabar quralları xızmetkerleri kúni» múnásibeti menen filial iskerligin keń jámiyetshilikke operativ túrde jetkeriwde jaqınnan járdem berip kiyatırǵan taraw pidayıların kásiplik bayramı menen qızǵın qutlıqladı hám olarǵa bayram sawǵaların tapsırdı.

Filial Baspasóz xızmeti.