Aldın xabar bergenimizdey, Ózbekstan mámleketlik dene tárbiyası hám sport universiteti Nukus filialı Ilimiy isler hám innovaciyalar boyınsha direktor orınbasarı I.Mambetnazarov, professor-oqıtıwshılardan M.Ramazanov hám A.Yakupbaevlar rásmiy sapar menen Qıtay Xalıq Respublikasında bolıp turıptı.

Filial dilegaciyası aǵzaları Qıtay Xalıq Respublikasınıń Shixetszi universiteti Dene mádeniyatı hám sport fakulteti dekan orınbasarı Lu Pen menen ushırastı. Ushırasıwda olar eki joqarı oqıw orını arasında dene tárbiyası hám sporttı rawajlandırıw, sport tarawında qánigeler tayarlawdıń sapasın arttırıw,
sonday-aq, doslıq hám akademiyalıq baylanıslardı bunnan bılay da bekkemlew oqıw hám oqıw-metodikalıq materiallardı almasıw boyınsha sóylesiwlkr alıp bardı.

Birge islesiw boyınsha alıp barılǵan sóylesiwlerden soń Shixetszi universiteti Dene mádeniyatı hám sport fakulteti dekan orınbasarı Lu Pen tárepinen on bes atamadaǵı kitaplar filial ushın tapsırıldı.

Filial Baspasóz xızmeti.