Ózbekstan mámleketlik dene tárbiyası hám sport universiteti Nókis filialında student-jaslardı dáwirinde qataǵan qurbanları bolǵan insanlardıń ómiri hám dóretiwshiligi menen jaqınnan tanıstırıw maqsetinde «Ilim hám maǵrifat nurın tarqatqan ulama» atamasında ushırasıw shólkemlestirildi.

Onda «Dene tárbiyası teoriyası, gumanitar hám tábiyiy pánler» kafedrası oqıtıwshısı Raxmatjon Aminov student-jaslarǵa sol dáwirde qataǵan qurbanı bolǵan Sálmen iyshan Kamal ulınıń ómiri hám onıń ómir jolı haqqında keń túrde túsinikler berip ótti.

Ushırasıw sońında qatnasıwshılar ózlerin qızıqtırǵan sorawlarına juwaplar aldı.

«Ilim hám maǵrifat nurın tarqatqan ulama» atamasındaǵı ushırasıwdan soń studentler tyutorlar basshılıǵında Qaraqalpaq mámleketlik universiteti quramındaǵı Reperessiya qurbanların eslew muzeyine sayaxatqa bardı hám Sálmen iyshan Kamal ulınıń qábirin ziyaratladı.

Filial Baspasóz xızmeti.