Búgin, 24-iyun kúni Berdaq atındaǵı Qaraqalpaq mámleketlik universitetinde Nókis qalasındaǵı barlıq joqarı oqıw orınları studentleriniń qatnasıwında “Bir Watan, bir xalıq bolıp, jańa ómir hám keleshek jaratamız!” súreni astında “Talaba-FEST” festivalı bolıp ótti.

Jaslardı birden-bir maqset jolında birlestiriw, olardıń Watanǵa sadıqlıq, milliy qádiriyatlarǵa húrmet hám keleshekke isenim sezimlerin jáne de bekkemlewge xızmet etetuǵın áhmiyetli ilajlardan biri sıpatında joqarı dárejede shólkemlestirilgen “Talaba-FEST” festivalında Ózbekstan mámleketlik dene tárbiyası hám sport universiteti Nókis filialı student-jaslarıda belsene qatnastı.

Festival sheńberinde “Robotexnika”, «Eń mazalı taǵamlar», “Eń jaqsı lipaslar” kórgizbesi, “Eń jaqsı plakatlar” tańlawı, “Zakawat”,“Ibrat” debat intellektual oyınları, Sport jarısları hám taǵı basqa sıyaqlı birqatar ilajlar ótkerildi.

Joqarı dárejede shólkemlestirilgen ilajlarda belsene qatnasqanı ushın filial student-jasları shólkemlestiriwshiler tárepinen Diplom menen sıylıqlandı.

Filial Baspasóz xızmeti.