Filialdıń Málimleme-resurs orayında Ózbekstan hám Qaraqalpaqstan jazıwshılar awqamınıń aǵzası, shayır Baxıtı Sarıbaev qatnasında «Shayırlıqta tanılǵan talant» atamasında studentler menen ushırasıw boldı.

Ushırasıwdı Málimleme-resurs orayı kitapxanashısı G.Sadatdinova alıp bardı hám ilajdı ótkeriwden tiykarǵı maqsetin aytıp, qatnasıwshılardı kelgen miymanlar menen  tanıstırıp ótti.

Sózge shıqan shayır Baxıtlı Sarıbaev studentlerge óziniń ómir jolı, dóretiwshiligi, qosıqlarınıń dóretiliw tariyxı haqqında qızıqlı maǵlıwmatlar aytıp berdi. Qatnasıwshılar shayırdan ózlerin qızıqtırǵan sorawlarına juwaplar aldı.

Ilaj juwmaǵında shayır Baxıtlı Sarıbaev óziniń jańa toplamın filial málimleme-resurs orayına tapsırdı hám onan hár bir student bul kitaplardı oqıw arqalı shayırdıń dóretiwshiligi menen jaqınnan tanısıw imkaniyatına iye boladı.

Filial Baspasóz xızmeti.