Ijarada jasaytuǵın studentlerdiń tınıshlıǵın hám qáwipsizligin támiyinlew. Olardıń jasaw jaǵdayların úyreniw. Eger olardıń jasaw xanalarında kemshilikler anıwlansa waqtında saplastırıw maqsetinde filial profilaktika inspektorı tyutorlar menen birgelikte ijaradaǵı studentlerdiń jaǵdaylarınan turaqlı túrde xabar alıp kelmekte.

Úyreniwler barısında ijaradaǵı studentlerge jasaw xanaların taza saqlaw, keshte biymezgil kóshege shıqpaw, ásirese, elektr energiyası, gaz plita hám jılıtıw úskenelerinen durıs qáwipsizlik qaǵıydalarına qatań túrde ámel etip paydalanıwı kerekligi haqqında túsindiriw jumısların alıp barmaqta.

Filial direktorı basshılıǵında islenip atırǵan bunday ilajlar studentlerdiń tınıshlıǵın hám qáwipsizligin támiyinlewde áhmiyetli orın iyeleydi.

Filial Baspasóz xızmeti.