Ózbekstan mámleketlik dene tárbiyası hám sport universiteti Nókis filialınıń kúndizgi baǵdarında oqıp atırǵan 2,3,4-kurs studentleri arasında «Jil studenti» respublikalıq tańlawınıń filial basqıshı bolıp ótetuǵınlıǵın daǵazalaymız.

🟢 Tańlaw shártleri tómendegishe:

 🔷Tańlawda ótken jıllarda 1,2,3-orınlardı iyelegen studenler qatnasa almaydı.

 🔷Tańlawdıń filial basqıshına hújjetler 23-noyabr sánesinen 30-noyabr kúnleri aralıǵında qabıl etiledi.

🟢 Tańlaw tómendegi nominaciyalar boyınsha ótkeriledi:

• «Jıldıń eń belsendi bilimli studenti» (óz qánigeligi boyınsha) bunda studenttiń pánlerdi ózlestiriwi hám oqıw processine qatnasıwı hám belsendiligi, baspadan shıqqan maqala hám tezis jumısları kórip shıǵıladı;
• «Jıldıń eń belsendi úgit-násiyatshı studenti» bunda studenttiń joqarı oqıw orınlarında jámiyetlik jumıslarda belsendilik dárejesi, úgit-násiyatshı sıpatındaǵı qábileti usı tiykarda ózi shólkemlestirgen ilajları kórip shıǵıladı;
• «Jıldıń eń belsendi oylap tabıwshı-innovator studenti» bunda usı jılda student tárepinen jaratılǵan ilimiy jumıslar, oylap tabılıwlar, innovatciyalıq ideyaları kórip shıǵıladı;
• «Jıldıń eń belsendi sportshı studenti» bunda usı jılda studenttiń xalıqaralıq hám respublika kóleminde ótkerilgen sport jarıslarındaǵı nátiyjeleri kóriledi;
• «Jıldıń eń belsendi qábiletli studenti» bunda studenttiń usı jılda sociallıq tarmaqlarda ózi alıp barǵan úgit-násiyat jumısları, joqarı bilimlendiriw sistemasında alıp barılıp atırǵan jańalanıwlardı jarıtıwda belsendilik dárejesi, jetiskenlikleri kórip shıǵıladı;
• «Jıldıń eń belsendi dóretiwshi studenti» bunda studenttiń usı jıldaǵı óz dóretiwshiligindegi kórkem shıǵarmaları, maqala, 2023-jılı baspadan shıǵarılǵan qollanba, kitap, muzıka, kino,  teatr tarawındaǵı, ruwxıy-aǵartıwshılıq, ilimiy-dóretiwshilik processlerinde qatnasqanlıǵı hám jetiskenlikleri kórip shıǵıladı;
• «Jıldıń eń belsendi isbilermen studenti» (hayal-qızlar arasında) bunda usı jılda ǵárezsiz túrde isbilermenlikti jolǵa qoyǵan student-qızlardıń erisken jetiskenlikleri hám jaslardı jumıs penen támiyinlegenligi kórip shıǵıladı.

 🔷 Qatnasıwshıǵa tiyisli bolǵan tómendegi hújjetler toplamı fakultet dekanatı tárepinen tayarlanadı hám tańlaw komissiyasına usınıladı:

✔️qatnasıwshınıń qábileti, pánlerdi ózlestiriw dárejesi, jetekshilik qábileti, erisken jetiskenlikleri, sabaqlarǵa qatnası, studentlerge órnek bolatuǵın tárepleri hám jámiyetlik jumıslardaǵı belsendiligi haqqında maǵlıwmatlar jazılǵan eki betten kóp bolmaǵan kólemdegi usınısnama;

✔️tańlaw qatnasıwshısınıń pánlerdi ózlestiriw nátiyjeleri kórsetilgen hújjetlerdiń (bahalardı dizimge alıw betleri, studenttiń bahalardı ózlestiriw reyting dáptershesi) nusqaları;

✔️tańlaw qatnasıwshılarınıń baspadan shıǵarılǵan ilimiy, ilimiy-metodikalıq, dóretiwshilik jumısları, olarǵa tiyisli qánigelerden alınǵan pikirler menen birge dóretiwshilik jumıslarınıń elektron forması;

✔️xalıqaralıq hám respublikalıq kólemde ótkerilgen ilajlar, tańlawlarda húrmet jarlıǵı hám Diplom menen sıylıqlanǵanı haqqındaǵı maǵlıwmatlar (nusqaları qosımsha etiledi);

✔️grantlarǵa qatnasqanlıǵı haqqındaǵı maǵlıwmatnama, granttıń ataması, qarjılandırıw kólemi, qatnasıwınıń forması hám dárejesi kórsetiledi;

✔️konferenciyalarǵa qatnasqanlıǵı haqqındaǵı maǵlıwmatlar, ilimiy jumıslarınıń dizimi hám ilimiy jumıslarınıń nusqaları qosımsha etiledi;

✔️hújjetler toplamına kirgizilgen materiallar hám maǵlıwmatlar jıl dawamında basıp shıǵarılǵan bolıwı kerek.

🔷Nominaciyalar boyınsha 1,2,3-orınlar anıqlanadı hám 1-orın jeńimpazlarınıń hújjetleri tańlawdıń respublikalıq basqıshında qatnasıwı ushın usınıs etiledi.

Nominaciyalar boyınsha 1,2,3-orınlardı iyelegen jeńimpazlar filial administraciyası tárepinen xoshametlenedi.

Tańlawda qatnasıwdı qálewshi studentler hújjetlerin Jaslar menen islesiw, ruwxıylıq hám aǵartıwshılıq bólimine tapsırıwları lazım.

Baylanıs ushın telefon nomer +99893 879-21-22

Filial Baspasóz xızmeti.