Oʻzbekiston davlat jismoniy tarbiya va sport universiteti Nukus filiali

talabalari oʻrtasida oʻtkaziladigan “Yangi Konstitutsiya- taraqqiyot qomusi” mavzusida ilmiy maqolalar tanlovi

N I Z O M I

1. Umumiy qoidalar

        Mazkur tanlov Oʻzbekiston  Respublikasi  Prezidentining  2023-yil 
16-noyabrdagi “Oʻzbekiston Respublikasi  Konstitutsiyasi  kuni  bayramiga  tayyorgarlik  koʻrish  va uni  oʻtkazish  toʻgʻrisida”gi  F-72-son  farmoyishi  l-ilovasi  bilan  tasdiqlangan “Oʻzbekiston  Respublikasi  Konstitutsiyasi  kuniga  bagʻishlangan  bayram tadbirlariga  tayyorgarlik  koʻrish  vа  ularni  oʻtkazish  dasturi”ning  38-bandida “Ваrсhа  oliy  ta’lim  va  ilmiy  tashkilotlarda  talabalar,  magistrlar,  tadqiqotchilar, tayanch  doktorantlar  va  doktorantlar  oʻrtasida  “Yangi  Konstitutsiya-taraqqiyot qomusi”  mavzusida  ilmiy  maqolalar  tanlovini oʻtkazish tartibi toʻgʻrisidagi nizomida belgilangan talablarga muvofiq oʻtkaziladi.

2. Maqsad va vazifalar

“Yangi  Konstitutsiya-taraqqiyot qomusi” mavzusida  ilmiy  maqolalar  tanlovining asosiy maqsadi iqtidorli yosh talabalarni aniqlash, ularni qoʻllab -quvvatlash,  yuksak bilimli, mustaqil fikrlaydigan, ilmiy tarafdan mukammal bilim va  koʻnikmaga  ega boʻlgan, ularning ilmiy izlanishlari uchun zarur shart-sharoitlarni yaratib berish hamda salohiyatli yoshlarni ilm-fanga keng jalb etishdan iborat.

3.Tanlovni tashkil etish:

3.1.“Yangi  Konstitutsiya-taraqqiyot qomusi” mavzusida  ilmiy  maqolalar  tanlovi tashkilotchisi Oliy ta’lim muassasalari hisoblanadi.

3.2.  Oliy ta’lim muassasalaridan tanlovda ishtirok etish istagini bildirgan har bir talaba o‘z maqolasi bilan qatnashishi mumkin.

3.3. Tanlovga maqolalar topshirish 2023-yil 27-noyabrdan 30-noyabr soat 17:00 ga qadar davom etadi. 2023-yil 30-noyabr soat 17:00 dan maqolalar qabul qilinmaydi.

3.4. Tanlov jarayoni va natijalari to‘g‘risida ma’lumotlar OTMlarning rasimiy veb-saytida yoritib boriladi. 

4.Tanlov shartlari

4.1. Maqolaning hajmi – 3  betdan  5  betgacha.

4.2. Matn formati: MSWord – 97/2003. Bet formati: A4. Сhap tomondan 3,0 sm, qolgan barcha tomonlardan 2 sm.dan qoldiriladi. Matn faqat Times New Roman garniturasida, 14 kegl, 1,5 interval bilan teriladi.

4.3. Maqola matni quyidagi tartibda rasmiylashtiriladi:

– maqolaning katta harflar bilan 14 keglda yozilgan nomi o‘rta qismiga joylashtiriladi;

– muallif (hammualiflar)ning familiyasi, ismi, sharifi, kursi va ta’lim yo‘nalish nomi ko‘rastlishi kerak (14 kegl);

– maqolaning qisqacha annotatsiyasi (12 kegl, kursiv; maqola tili hamda rus va ingliz tillarida) kenglik bo‘yicha tekislanadi;

– kalit so‘zlar (12 kegl, kursiv, 4-8 ta; maqola tili hamda rus va ingliz tillarida) kenglik bo’yicha tekislanadi;

-Foydalanilgan adabiyotlar ro‘yxat maqolaning oxirida keltiriladi (12 kegl) bo‘lishi lozim.

5. Tanlovni oʻtkazish joyi va muddati

 Tanlov  2023-yil  1-2-dekabr  kunlari  har  bir  oliy  ta’lim  muassasalari binosida  oʻtkaziladi.

6. Tanlov ishtirokchilari

Tanlov oliy ta’lim  muassasalarining  bakalavr yo‘nalishi talabalari oʻrtasida boʻlib oʻtadi.                                  

7. Tanlovning baholash tartibi

Baholash tanlov komissiya a’zolari tomonidan amalga oshiriladi. Tanlovga kelib tushgan maqolalar maxsus komissiya tamonidan yuqoridagi ko‘rsatilgan mezonlarga asoslanib xolisonalik  va  shaffoflik bilan baholanadi.

 8.Gʻoliblarni taqdirlash

          Tanlovning baholash mezonlari asosida saralab olingan gʻolib ishtirokchilar universitet maʼmuriyatining maxsus diplom hamda qimmatbaho sovgʻalari bilan taqdirlanadi.

Filial Matbuot xizmati.