Ilmiy ishlarini muvaffaqiyatli himoya qilgan professor-o‘qituvchilarning ilmiy metodlarini sport maktablari trenerlari faoliyatida qo‘llash uchun filial dotsenti, professor-o‘qituvchilari respublikamizdagi sport maktablari trenerlariga joylarga borib seminar-trening o‘tkazmoqda.

Bu borada «Sport o‘yinlari nazariyasi va metodikasi» kafedrasi professor-o‘qituvchilari Islom Abdullayev va Timur Seytmuratovlar «Qoraqalpog‘iston Respublikasi Futbol akademiyasi» murabbiylariga «Futbol akademiyalarida bolalarning jismoniy tayyorgarligini rivojlantirish» mavzusida seminar-trening o‘tkazdi.

Unda filial professor-o‘qituvchilari Futbol akademiyasi murabbiylariga bolalarni har bir musobaqa oldidan qanday tayyorlash kerakligi, tayyorlash usullari, mashg‘ulotlar jarayonini qanday olib borish kerakligi haqida tushunchalar berdi.

Filial Matbuot xizmati.