ВАКЦИНА АЛҒАН СТУДЕНТЛЕР УШЫН ЖЕҢИЛЛИК

Коронавирусқа қарсы гүресиў илажларын муўапықластырыўшы Республикалық арнаўлы комиссиясының 2021-жыл 3-июль күнги 75-санлы жыйналыс протоколына муўапық, коронавирус инфекциясына қарсы Мәмлекетлик бюджет қаржылары есабынан шаншылыўы зәрүр болған қәўип асты топарына киретуғын халық қатламы қатарына республикада жумыс алып барып атырған барлық мәмлекетлик ҳәм мәмлекетлик емес жоқары оқыў орынларының бакалавиатура, магистратура, клиникалық ординатурада оқып атырған студентлери де киритилди. Коронавирусқа қарсы толық шаншыў басқышлары әмелге асырылғаннан соң студентлерге шаншылғаны ҳаққындағы сертификаттың электрон формасы бериледи. Яғный, төлемли контракт тийкарында оқып атырған, коронавирус инфекциясына қарсы ықтыярлы түрде толық шаншылған студентлер өзлериниң шаншылғаны ҳаққындағы сертификатларын усы жылдың 1-октябрь сәнесине шекем (сол күни де) жоқары оқыў орнына усынса, шөлкемлестириў-ҳуқықый формасына қарамастан барлық жоқары оқыў орынлары тәрепинен 2021-2022-оқыў жылы ушын белгиленген базалық төлемли контракт (стипендиясыз) суммасына 10 процент муғдарында бир мәртелик шегирме бонусы бериледи.

 Бул 2021-2022-оқыў жылында оқыўға қабыл етилген 1-курс студентлерине әмел етпейди.

ӨзМДТСУ Нөкис филиалы Баспасөз хызмети.