Berdaq atındaǵı Qaraqalpaq mámleketlik universitetiniń «Sport sarayı»nda «Talabalar ligasi» sport jarıslarınıń «Voleybol» túrinen Qaraqalpaqstan Respublikası aymaqlıq basqıshı bolıp ótti.

Respublikamızdaǵı joqarı oqıw orınları studentleri arasınan dúzilgen komandalar qatanında Ózbekstan mámleketlik dene tárbiyası hám sport universiteti Nókis filialı komandası aǵzalarıda oyınǵa tústi.

Bir birinen kúshli komanda aǵzaların bir jerge jámlestirgen «Talabalar ligasi» sport jarıslarınıń Qaraqalpaqstan Respublikası aymaqlıq basqıshında filial komandası hár tárepleme óziniń kúshli ekenligin kórsete aldı hám 1-orındı iyeledi.

Jarıs sońında komanda aǵzaları shólkemlestiriwshiler tárepinen Diplom menen sıylıqlandı hám jarıstıń keyingi basqıshına jollamanı qolǵa kirgizdi.

Sportshılardı jarısqa I.Allayarov, T.Nawbetullaev hám B.Tabınbaevlar tayarladı.

Filial Baspasóz xızmeti.