O‘zbekiston Respublikasi Oliy ta’lim, fan va innovatsiyalar vazirligi tomonidan may oyi oliy ta’lim muassasalarida «Sport oyligi» deb e’lon qilindi va ushbu oylik doirasida «Sportchi el – himoyachisi» shiori asosida turli sport musobaqalarini o‘tkazish belgilab olingan edi.

Bugun O‘zbekiston davlat jismoniy tarbiya va sport universiteti Nukus filialida «Sportchi el – qo‘riqchisi» shiori asosida sportning «Darts» turidan filialning talaba-qizlari o‘rtasida «Sport turlari» fakulteti birinchilik o‘tkazildi.

Ushbu musobaqada jami beshta jamoa ishtirok etdi. Ishtirokchilardan aniqlikni talab qiladigan musobaqa yakunida «Jismoniy tarbiya nazariyasi va gumanitar fanlar» kafedrasi jamoasi 1-o‘rin, «Sport o‘yinlari» kafedrasi jamoasi 2-o‘rin va «Yakka kurash va tabiiy fanlar» kafedrasi jamoasi 3-o‘rinni egalladi.

G‘olib jamoa a’zolari tashkilotchilar tomonidan Diplom va esdalik sovg‘alari bilan taqdirlandi.

Filial Matbuot xizmati.