Oliy ta’lim sohasidagi global tahlil agentligi “UI Green Metric World University Rankings” 2025-yil uchun Barqaror Rivojlanish Maqsadlariga erishish bo‘yicha jahondagi eng sara universitetlar reytingini e’lon qildi. 

Filial atrof-muhit muhofazasi bo‘yicha olib borilayotgan islohotlar natijasida samarali yutuqlarga erishmoqda. Jumladan, joriy yil dekabr oyida ushbu reyting tashkiloti e’lon qilgan reytingda filial Italiya, Ispaniya, Turkiya, Sloveniya va dunyoning boshqa yetakchi davlatlari universitetlari qatorida dunyoning yetakchi oliy ta’lim muassasalari ro‘yxatiga kiritildi. Ya’ni, filial dunyo reytingida 1279-o‘rinni, Osiyo mintaqasi bo‘yicha TOP-1000 talik ro‘yxatida 773-o‘rinni va O‘zbekiston oliy o‘quv yurtlari orasida 60-o‘rinni band etdi.

Filialning ushbu nufuzli reytinglardagi yuqori o‘rinlarni egallashi xalqaro maydondagi imijini oshirishda katta ahamiyatga ega.

Filial Matbuot xizmati.