Logo
Ózbekstan Respublikası
Dene tárbiya hám sport
universiteti Nókis filialı

«UNIVERSIADA – 2022» SPORT OYÍNLARÍNÍŃ BASKETBOL BOYÍNSHA CHEMPION ÓZBEKSTAN MÁMLEKETLIK DENE TÁRBIYASÍ HÁM SPORT UNIVERSITETI NÓKIS FILIALÍ ER BALALAR SAYLANDÍ KOMANDASÍ MÚNÁSIP KÚTIP ALÍNDÍ

  Aldın xabar bergenimizdey usı jıldıń 11-14-dekabr kúnleri Jizzaq qalasında «Universiada – 2022» oyınlarınıń Basketbol sport túri boyınsha final basqıshında filialdıń er balalar studentleri arasınan dúzilgen saylandı komandası sıylı I orındı iyelegen edi.

 

 Usı múnásibet penen búgin erte tańnan Nókis temir jol vokzalında QR  Sporttı rawajlandırıw ministrliginiń bólim baslıǵı A.Temirbaev, filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov, sport túrleri fakulteti dekanı R.Shaniyazov, dekan orınbasarları, kafedra baslıqlar, professor-oqıtıwshıları «Universiada – 2022» sport oyınlarınıń Basketbol boyınsha chempion Ózbekstan mámleketlik dene tárbiyası hám sport universiteti Nókis filialı er balalar saylandı komandasın múnásip kútip alındı.

 

  Kútip alıwshılar sportshılardı qolǵa kirgizgen jeńisleri menen qızǵın qutlıqladı hám aldaǵı ótkeriletuǵın jarıslarda tabıslar tiledi.

  Komanda aǵzaların jarısqa professor – oqıtıwshılardan A.Avezbaev, T.Mámbetjumaev hám S.Amaniyazovlar tayarladı.

Filial Baspasóz xızmeti.