Ózbekstan Respublikası Ministrler Kabinetiniń 2018-jılı 13-noyabr kúni 924-sanlı qararı menen Ózbekstan mámleketlik dene tárbiyası hám sport universitetiniń Nókis filialı shólkemlestirilgen edi.

Búgingi kúnde filialında student-jaslardıń professor-oqıtıwshılardan tıyanaqlı bilim alıwları ushın barlıq imkaniyatlar jaratılǵan. Olar filialda jaratılǵan arnawlı labaratoriya, kompyuter, pán xanaları, málimleme-resurs orayı, oqıw zalı hám sport zallarındaǵı imkaniyatlardan únemli paydalanıp bilim almaqta.

Filialımız jaqında shólkemlestirilgenligi sebepli búgingi kúnde studentler turaq jayına (jataqxanasına) iye bolmaǵanlıǵı sebepli 200 den aslam student-jaslar waqtınsha ijarada jasap tálim-tárbiya alıp kelmekte.

Ijarada jasawshı studentlerdiń jasaw sharayatınan filial direktorı, juwapker qánigelerdiń turaqlı xabardar bolıp barıwları ushın tyutorlar olardıń jasaw jaǵdayların ózleri hám waqtı-waqtı menen tiyisli taraw qanigeleri menen birgelikte jaqınnan úyrenip kelmekte. Egerde, ijarada jasawshı filial studentleriniń ijara turaq jaylarında nadurıs paydalansa, itibardan shette qaldırsa, ómir ushın qáwipli bolǵan gaz, tok, suw, jılıtıw qazanxanalarındaǵı nasazlıqlardı anıqlaw yaki anıqlanǵan jaǵdayda onı ornında tiyisli taraw qánigeleri menen birgelikte saplastırıw ilajları kóriledi hám bul haqqında maǵlıwmatlar filial direktorınıń jeke ózine hám juwapker qánigelerge óz waqtında jetkerilip kelinbekte.

Álbette, júz beriwi múmkin bolǵan kewilsiz hádiyselerdiń aldın alıwda hár bir professor-oqıtıwshıdan hám student-jaslardan juwapkershlik talap etiledi. Filialımız student-jasları arasında júz beriwi múmkin bolǵan kewilsiz hádiyselerdiń aldın alıw maqsetinde tiyisli taraw qánigeleri menen birgelikte professor-oqıtıwshılar hám studentler arasında turaqlı túrde úgit-násiyat jumısların alıp barıw jumıslarıda jaqsı jolǵa qoyılǵan.

Filial Baspasóz xızmeti.